Ditën e sotme bizneset e kryeqytetit, por jo vetëm, kanë protestuar për përfshirjen e tyre në TVSH. Tregtarët e tregjeve në Tiranë janë shprehur të indinjuar nga ky vendim i qeverisë për të rritur edhe më shumë taksat.
Njëzëri ata shprehen se taksat janë të papërballueshme dhe nuk ia dalin dot. E ndërsa protestohet, rritja e taksës është miratuar që më 1 prill të 2018-s, e me sa duket qeveria nuk ka ndërmend të tërhiqet.
Por, nëse kthehemi pas në kohë, kryeministri Edi Rama, në atë kohë kryetar i Partisë Socialiste, trumbetonte me të madhe se biznesit të vogël duhet t’i hiqet taksa duke e çuar atë në zero.
Premtimet me sa duket i merr era dhe shqiptarët duhen të mësohen se ashtu si Rama, Berisha, Basha janë po të njëjtët kur vijnë në pushtet. TIRANA TODAY
