Një video mes Fleckenstein dhe Bregut është bërë virale në rrjet, ku shihet qartë marrëdhënia e afërt mes tyre.
Në fakt, është Fleckenstein ai që vë disi në siklet Bregun, teksa gjatë një bisede mes tyre, ai i flet në vesh si dhe e shtrëngon me të dyja duart duke e mbajtur mjaft afër.
Edhe pse e qeshur, ish-ministrja Bregu shihet teksa shtyn me grushte disi e sikletosur duke iu larguar pasi sheh kamerën drejtuar atyre, e më pas i bën shenjë që të heshtë.
Ata vijojnë bisedën, tashmë në distancë, ndërsa afrohet Bushati i cili përshëndetet me Bregun. Kjo video po bën bujë në rrjet, ku kanë shpërthyer memet dhe interpretimet nga më të ndryshmet, duke aluduar ndër të tjera se Fleckenstein ka një arsye të mirë për të ardhur në Shqipëri.
Eurodeputeti gjerman mbërriti dje në Shqipëri si pjesë e delegacionit të Parlamentit Evropian lidhur me krizën politike në vend, ndërsa Bregu tashmë mban postin e Sekretares së Përgjithshme të Këshillit për Bashkëpunim Rajonal.
