Ndërsa e gjithë Shqipëria dhe Kosova bëhen gati të festojnë 28 dhe 29 nëntorin, shohim që nuk mbetën pas as shqiptarët e diasporës.
Sot në Nju Jork është parë të valëvitej flamuri shqiptar përkrah atij amerikan. Shqiptari që jeton në Amerikë, Marko Kepi ka shpërndarë në rrjetin social ‘Twetter’ një video ku shihet qartë flamuri shqiptar i ngritur lart në majë të një ndërtese.
Filmimi është bërë në autostradën Brooklyn-Queens. Me sa duket jo vetëm shqiptarët po dhe amerikanët do të festojnë sivjet Pavarësinë e Shqipërisë.
Në Tiranë kryebashkiaku Erion Veliaj u ka kërkuar qytetarëve që në çdo shtëpi të valëvitet nga një flamur kombëtar.
Ky vit është cilësuar si viti mbarëkombëtar i Skënderbeut, heroit tonë kombëtar. Ndaj dhe atmosfera në kryeqytetin e shqiptarëve pritet të jetë e zjarrtë.
