19 vite nga vdekja e zëdhënësit të Lidhjes Demokratike të Kosovës, Xhemail Mustafa, institucionet e vendit ende nuk kanë arritur ta zbardhin këtë vrasje.
LDK ka bërë një homazh në nder të tij ditën e sotme, gjatë së cilës mbajti një fjalim edhe nënkryetari i kësaj partie, Lutfi Haziri. Në fjalën e tij, Haziri u shpreh se është i rëndë fakti që nuk është zbardhur ende rasti i Mustafës.
“Vrasja tinëzare e Xhemail Mustafës ishte humbje e madhe për Kosovën. I rëndë është fakti që edhe pas 19 viteve institucionet nuk e zbardhën këtë rast”, tha ai ndër të tjera.
Ndërkohë në rrjetin social Facebook janë shpërndarë disa momente të dhimbshme, nga varrimi i të ndjerit. Në një fragment të videos shihet edhe djali i Mustafës, Besiani, i cili shfaqet duke varrosur babanë e tij.
https://www.facebook.com/RugovaNaMungon/videos/1932925027013464/
