Edi Rama qeveris me shumë probleme një vend të vogël e të varfër. E megjithatë sillet shpeshherë si një lider i madh rajonal. Një lider rajonal që shahet poshtë e lart me gazetarë e qytetarë të thjeshtë, vetëm se këta të fundit i kujtojnë detyrat e shtëpisë që duhet të bëjë. Apo kur e akuzojnë edhe për aferat e tij korruptive.
Nën këtë rol, pranoi 5 vjet më parë kërkesën e Shteteve të Bashkuara të Amerikës për të sjellë dhe asgjësuar në Shqipëri armët kimike të Asadit.
LEXO EDHE: 600 mijë sirianë në Shqipëri/Zbardhet “pazari” midis Ramës dhe Merkelit!
Plani tmerroi dhe ngriti në këmbë shqiptarët, protestat civile të të cilëve detyruan tërheqjen e Ramës. Sot duket se i ka hyrë sërish një aventure të ngjashme, duke pranuar kërkesën e Bashkimit Evropian për ngritjen e një kampi të madh refugjatësh.
Madje një zyrtar i tij përcakton edhe shifrën: 600 mijë refugjatë sirianë, sa numri i kosovarëve që erdhën këtu në vitin 1999. Por harron një detaj: Ajo sfidë humanitare nuk u përballua vetëm nga qeveria.
Pjesa dërrmuese e kosovarëve u strehuan nëpër shtëpitë e shqiptarëve të thjeshtë, nga veriu në jug. 19 vite më pas Shqipëria ka ndryshuar, por jo aq sa të përballojë një sfidë të tillë sociale. Plani kundërshtohet nga opinioni publik, së fundmi edhe nga ministri Pandeli Majko.
Kjo nënkupton se Rama ka zhvilluar negociata të fshehta me Brukselin, të cilat kanë dalë në shesh vetëm falë shtypit të huaj. Bashkimi Evropian mund të hapë me kushte negociatat e anëtarësimit me Shqipërisë, dhe Rama mund të tërhiqet sërish pas presionit popullor.
LEXO EDHE: (VIDEO) Çfarë po fsheh Edi Rama?! Gjermanët i nxjerrin sekretin e madh
Por ky moment do dëshmojë sërish se drejtohemi nga një kryeministër amator, që paaftësinë e vet mundohet ta “kompensojë” me provokime të tilla, që testojnë nervat e lodhura të këtij populli.
TIRANA TODAY
