Një familje shqiptare është urdhëruar që të dëbohet nga Detroiti, por kisha i ka dalë në mbrojtje dhe ka ofruar strehë për ta. Ata u kanë siguruar strehë brenda mureve të Kishës ku mund të qëndrojë familja shqiptare prej 4 anëtarësh. Ded Rranxburgaj dhe gruaja e tij Flora kanë dy djem të moshave 24 dhe 15 vjeç, shkruan Tirana Today.
Gruaja shqiptare vuan nga skleroza, dhe ajo tashmë qëndron në një karrige me rrota. Burri i saj Ded është i vetmi që kujdeset për të duke dhënë dashuri dhe duke i falur kurajo. Ai është urdhëruar që me datë 25 janar duhet të largohen për në vendin e tyre.
“Si mund talë gruan time të sëmurë, ajo ka nevojë për ndihmë. Kjo është një situatë shumë e vështirë për mua dhe familjen time”, është shprehur i emocionuar Ded.
Duke parë situatën kisha i ka dalë në mbrojtje familjes shqiptare, raporton fox2detroit.com.
“Këtu ku jemi është një vendbanim 150 vjeç“, tha Rev. Jill Zundell, kreu i kishës për këtë familje. “Ne mund ta ndihmojmë këtë familje, dhe këtu është vendi më i mirë për t’u njohur me ta”.
Rranxburgajt shkuan në Shtetet e Bashkuara nga Shqipëria duke kërkuar azil politik 17 vjet më parë. E ndërsa ata po vijonin duke ndjekur politikat e emigracionit, Flora u sëmur, dhe në këtë mënyrë ajo nuk mund të dëbohej.
Burrit të saj iu dha statusi humanitar si kujdestari i saj 11-vjet më parë – gjatë gjithë kohës duke ndjekur të gjitha rregullat e emigracionit. Pastaj tre muaj më parë ai u tha se duhet të largohet. “Vërtet gruaja ime ka nevojë për mua këtu,” tha Ded.
“Kush do të kujdeset për mua? Kush do të kujdeset për djalin tim të vogël?” tha Flora.
Kush do të kujdeset për ta nëse ai dëbohet. Kisha Metodiste po ofron strehim të shenjtë për familjen brenda mureve të kishës duke refuzuar që Ded të deportohet.
Sipas tyre ata nuk do t’i lejojnë që të deportohen, dhe dhomat brenda kishës do të jenë dhe streha e ardhshme për familjen shqiptare.
“Unë me të vërtetë e vlerësoj këtë dhe ju falënderoj që po më jepni mundësi që të qëndroj dhe ti vij në ndihmë gruas time dhe fëmijëve të mi”, tha Ded. TIRANA TODAY
