Një 42-vjeçare në Turqi, ka vendosur që të festojë divorcin nga bashkëshorti i saj, me fishekzjarre dhe daulle, një mënyrë e njëjtë festive si ajo e para 18 viteve, kur u martua.
Çilem Ulkerler, përfundoi me sukses ndarjen nga bashkëshorti, një proces gjyqësor që zgjati për rreth dy vite, dhe pas daljes nga gjykata, ajo festoi në oborrin e shtëpisë ku banon, shkruan Sozcu.
Ulkerler e quan fitore përfundimin e procesit gjyqësor, madje dhe muzikanti i thirrur në ceremoni, deklaron që është hera e parë që merr pjesë në një ngjarje të tillë.
“Unë kam qenë e martuar për 18 vjet. Isha e ekspozuar ndaj një konflikti të rëndë, presionit ekonomik dhe dhunës fizike. Jam shumë e lumtur që jam divorcuar. Kam kaluar ditë shumë të vështira. Mendoj se divorci ishte fitorja ime. Kjo ishte shumë e rëndësishme për mua.”, tha ajo.
Çilem është nënë e dy fëmijëve dhe punon si mësuese, ndërsa ishte e martuar prej 18 vitesh. Arsyeja e ndarjes, ishte dhuna sistematike dhe problemet ekonomike të çiftit.
