Pas ironisë që kryeministri Edi Rama përdori mbrëmjen e djeshme ndaj kryetarit të LZHK-së, Dashamir Shehi, duke i përmendur konsumin e rakisë, ka ardhur edhe reagimi i këtij të fundit.
I ftuar në studion e Abc News, Shehi u shpreh i qetë se nuk e shqetësojnë akuzat e kryeministrit, teksa shton se ai nuk merret me jetën personale të Ramës, madje as me “të dashurat e tij në qeveri”.
“Nuk më shqetëson shumë kjo. Unë do vazhdoj të bëj atë që kam bërë gjithë jetën. Unë me kryeministrin do përballohem gjithmonë me teza politike. Ky më është përgjigj mua me gotat e rakisë, unë nuk jam marrë kurrë seç është jeta e tij personale, ç’bën ky, ç’përdor ky. Ku ta di unë, ca thonë drogë ca thonë… Nuk më hyn në punë fare.
Se kur martohet se kur ndahet, se çfarë bën me të dashurat e veta në qeveri është punë për të, është personale. Se si vishet ky me atlete me brekushe është prapë personale. E gabuar është, nuk është e moralshme, por prapë personale është. Unë me ketë do vazhdoj të merrem sa herë që ky të atakojë interesat e Shqipërisë”, tha Shehi.
Më tej, Shehi thekson se ndryshe nga kryeministri Rama, atë nuk e ka parë kush nën efektin e alkoolit apo të bëjë figurën e budallait. Sipas tij, shqiptarët rakinë dhe verën e kanë të drejtë zakonore.
“Bëj çfarë të kesh qejf me jetën tënde personale. Jam shumë i lumtur që në jetën time personale, në historinë time, zullumi më i madh që më kanë zbuluar është që pijë raki apo verë. Punë e madhe fort, kjo është një e drejtë zakonore shqiptarët e kanë pirë gjithë jetën. As që më shqetëson fare, as më ka parë njeri as të pirë dhe as budalla. Atë e kanë parë nën efektet e atyre.
Nuk është ky halli, në qoftë se njerëzit e politikës paska në këtë hall atëherë duhet me i mbajt në qafë. Se të tjerët kanë vjedh miliona, kanë bërë pallate, unë rri të “Ali Visha”, rri në katin e pestë”, u shpreh ai.
