Kryeministri Edi Rama është përpjekur në vazhdimësi për të mohuar kategorikisht strehimin e emigrantëve që vijnë nga Lindja. Pavarësisht se kreu i qeverisë e pranoi këtë fakt në takimin me kancelarin austriak, Sebastian Kurz, ai është munduar që t’i bishtnojë kësaj çështjeje.
Por, në një intervistë të pak ditëve më parë për “Anadoly Angency” në seksionin shqip, Rama i cilësoi si marrëzi dhe fantazi të gjitha pretendimet për kampe refugjatësh që vijnë nga Lindja, si sirianët, afganët, pakistanezët etj.
LEXO EDHE: Kampe për refugjatët dhe ushtarët e ISIS? Reagon Rama: Kjo është marrëzi!
Megjithatë, mohimet dhe spërdredhjet e kryeministrit Rama lidhur me ndërtimin e kampeve të refugjatëve në Shqipëri i ka hedhur poshtë televizioni gjerman ZDF dhe vetë vartësi i tij, zëvendësministri i Brendshëm, Julian Hodaj bashkë me titullarin e institucionit, Fatmir Xhafaj.
Tashmë është e qartë se fantazia është vetëm në kokën e Ramës, i cili është duke bërë pazar me Bashkimin Evropian që në këmbim të negociatave të strehojë refugjatët që vijnë nga Lindja. Numri që mendohet të presë Shqipëria një numër prej 600, 000 refugjatësh, ndërsa vetë shqiptarët ia mbathin nga getoja që po ndërton kryeministri Rama.
Reportazhi i plotë i ZDF-së:
Është një përpjekje e dëshpëruar për të tërhequr vëmendjen. Në kufirin Bosnjë-Kroaci, rreth 100 refugjatë përpiqen të arrijnë në Bashkimin Evropian. Këto skena njerëzish të pashpresë, tregojnë se presioni nga fluksi i emigrantëve në Ballkan, po rritet sërish.
Shumica e refugjatëve, zgjedhin tashmë rrugën jugore nëpërmjet Shqipërisë. Në Tiranë takojmë Abdul Kadir nga Siria.
“Unë dua të largohem, sa më shpejt të jetë e mundur për në Gjermani. Deri sa të vijë ai moment, Kadir po punon këtu në Shqipëri. Qeveria austriake, thotë se Shqipëria mund të jetë qendra e refugjatëve për të gjithë ata që tentojnë të hyjnë në BE”, thotë Kadir.
Qeveria shqiptare, duket se shpreson për ndonjë ndihmë financiare dhe një anëtarësim të shpejtë në BE.
“Ne e kemi dëshmuar gjatë Luftës së Kosovës, se në rast emergjence mund të presim mbi 600.000 njerëz. Kështu Shqipëria mund t’i përgjigjet edhe kësaj emergjence”
Bosnja është shndërruar në një vatër të nxehtë të fluksit të refugjatëve. Në krahasim me vitin e kaluar, numri i refugjatëve u rrit ndjeshëm. Por kriza e refugjatëve, mund të thellohet më tej. Nga viti 2015, mbi 850.000 refugjatë jetojnë në Greqi.
Këtë vit, kanë hyrë mbi 12.000 refugjatë të tjerë. Përgjatë kufirit të gjatë me Kroacinë, janë kapur qindra refugjatë. Në disa raste policia kroate i ka keqtrajtuar dhe i ka kthyer mbrapsht në Bosnjë. Kostoja për shkuarjen në mënyrë ilegale në një vend perëndimor është rritur disa herë, por sërish vështirë se kjo do t’i bënte refugjatët të hiqnin dorë.
PËRSHTATI TIRANA TODAY
