Përfundojnë pjesët e para të dy ndeshjeve të grupit E. Spanja ka mundur me rezultatin e pastër 0-2 Sllovakinë. Skuadra spanjolle nuk shfrytëzoi një rast në minutën e 12-të, nga pika e bardhë e penalltisë.
Pasi arbitri fillimisht akordoi faull për Sllovakinë, më pas i thërritur nga VAR, në monitor vendosi se ishte faull ndaj Koke dhe akordoi 11-të metërsh. Nga pika e bardhë, Morata nuk arriti t’i jepte avantazhin Spanjës, teksa portieri sllovak Dubvraka kreu një superpritje.
Por, në minutën e 30-të, Spanja gjeti epërsinë falë një autogoli qesharak, që rrallë mund të na e shohin sytë. Topi i goditur nga Sarabia, preku traun e portës dhe u ngrit shumë lart. Portieri Dubravka bën një veprim totalisht amatori, teksa në tentativë për ta dërguar në goditje këndi, topin e fut në portën e tij.
Në fund të pjesës së parë është Laporte ai që godet dhe shënon rrjetën e dytë për i berikët e Luis Enriques. Sërish dalje e pastudjuar e portierit Dubravka.
Në ndeshjen tjetër, Suedisë iu deshën vetëm dy minuta që të kalonte në avantazh ndaj Polonisë. Mesfushori Forsberg përfitoi nga një përgjumë të mbrojtes polake, duke shënuar golin që mund ta kualifikojë Suedinë si të parën në grup.
