Ende vijojnë punimet e kërkim-shpëtimit në pallatet e rrënuara nga tërmeti i 30 tetorit. Departamenti për Menaxhimin e Fatkeqësive dhe Situatave Emergjente (AFAD), kishte bërë të ditur se tërmeti me madhësi 6.6 ballë sipas shkallës Rihter, ishte regjistruar në orën 14.51 me kohën lokale në detin Egje, 17 km larg brigjeve të qytezës Seferihisar të Izmirit.
Sipas të dhënave të publikuara, goditja fillestare është shoqëruar nga 370 pasgoditje. Prej tyre, 33 ishin me magnitudë mbi katër.
Tashmë janë bërë virale pamjet që një i ri kishte filmuar nën rrënoja, teksa priste ekipet e kërkim shpëtimit ta shpëtonin atë. Pamjet janë të rënda, ndërsa ai ishte në pritje të ekipeve të shpëtimit. Fatmirësisht, ai ka dalë shëndoshë e mirë nga gërmadhat që la tërmeti i fuqishëm.
