“Kënga Magjike” duket se ka nxehur gjakrat mes këngëtarëve, të cilët çdo vit nxjerrin pretekse sa i takon ndarjes së pikëve. Këtë herë është këngëtarja Xhesika Polo, e cila zbuloi në emisionin “Një kat më lart” se Kastro Zizo i kishte hequr nga Instagrami.
E gjithë kjo situatë ishte shkaktuar pasi këngëtarja e kishte vlerësuar këngën e tij me një pikë. Kaq ka mjaftuar që Kastro të mërzitej dhe të mos e ndiqte më këngëtaren në rrjetin social. Pas një ndërhyrje telefonike, këngëtari shpjegoi se gjithçka ka qënë momentale dhe se fajin e ka Ardit Gjebrea.
“I kam bërë block në Instagram pas ‘Kënga Magjikë’. Ajo është shumë e mirë, i njoh edhe familjen. S’ka faj ajo, fajin e ka Ardit Gjebrea’, tha Kastro ndër të tjera.
