Një anije ushtarake amerikane është përfshirë nga flakët, duke bërë që të paktën 21 marinarë të mbeten të plagosur.
Mediat e huaja bëjnë me dije se i gjithë ekuipazhi është shpëtuar dhe se ata po marrin ndihmë mjekësore. Me dhjetëra zjarrfikës u angazhuan për të vënë në kontroll flakët.
Ende nuk dihen shkaqet e shpërthimit të ndodhur në anijen Uss Bonhomme Richard, në bazën detare San Diego, ndërsa hetuesit po punojnë për zbardhjen e ngjarjes.
