Një aksident i frikshëm ka ndodhur në rrugën Transballkanike në Vlorë, ku një automjet tip Benz me targa AA 272 RB ka humbur kontrollin e më pas ka fluturuar në ajër mbi të paktën 10 automjete të tjera të parkuara në zonë.
Drejtuesi i automjetit Benz ka mbetur i plagosur në gjendje të rëndë e më pas është dërguar menjëherë në spital. Pas ndihmës mjekësore, ai ka kaluar rrezikun për jetën.
Policia ka nisur hetimet për shkaqet e këtij aksidenti, ndërsa e gjithë ngjarja është filmuar nga një kamera sigurie.
