Një fëmijë 4-vjeç u sulmua egërsisht pak ditë më parë nga një pitbull në Rio de Janeiro. Sapo u gjend aty pranë dhe pa skenën e tmerrshme, 20-vjeçari Patrick do Céu ndërhyri menjëherë për të shpëtuar 4-vjeçarin, Joao Pedro.
Në videon e kapur nga kamerat e sigurisë dallohet qartë momenti kur i riu përleshet me pitbullin, ndërsa arriti ta largojë fëmijën duke e vendosur mbi një makinë.
Patrik u shpreh se në çastin kur pa ngjarjen, i erdhi në mendje vajza e tij 2-vjeçare. Të dy personat që ranë pre e këtij sulmi pësuan lëndime, por fatmirësisht nuk përfundoi me pasoja fatale.
