Komisioni i Pavarur u Kualifikimit po shqyrton figurën e Fatjona Memçajt e cila punon si prokurore pranë Prokurorisë së Apelit.
Prokurorja Memçaj do të paraqitet pranë KPK-së në datën 30 prill në orën 11:00 ndaj të cilës do të mbahet një seanca dëgjimore.
Trupa gjykuese e cila po shqyrton rastin e prokurores Memçaj përbëhet nga Alma Faskaj, Roland Ilia dhe Firdes Shuli.
Pak më herët KPK njoftoi se shtyu për në datën 3 maj vendimin për gjyqtaren e Gjykatës Kushtetuese, Altina Xhoxhaj.
Vendimi i KPK-së për shtyrjen e gjyqtares Xhoxhaj erdhi për shkas se “Materialet të dërguara ditën e seancës dëgjimore në lidhje me likujditetet të cilat kërkojnë përllogaritje të mëtejshme. Trupa gjykuese vendosi të shtyjë seancën për shpalljen e vendimit më datë 3 maj 2018, po në të njëjtën sallë”.
