Ish-kreu i LSI, Petrit Vasili ka dhënë para pak minutash një deklaratë për shtyp, lidhur me çështjen e Vettingut.
Vasili ngriti shqetësimin e tij për sa i përket numrit të reduktuar të punonjësve të zgjedhur për Komisionet e Vettingut.
Ai tha se mazhoranca nga njëra anë do ta kapë Vettingun, por nga ana tjetër, shkurton numrin e punonjësve me qëllime të errëta.
Vasili tha se ky duhet të jetë një shqetësim i madh për opinionin publik.
FJALA E VASILIT:
Në aktin normativ të qeverisë që ka votën e mazhorancës është parashikuar një fond rezervë, pasi janë 203 punonjës. Kemi të bëjmë me një mazhorancë që do që ta kapë vettingun, dhe qesharake me mënyrën si sillet.
Kuvendi do votojë aktin për 2013 punonjës, pas disa minutash do votojë shkurtimin në 101 punonjës.
Papritmas i shkurton gjysmë për gjysmë, dhe 100 vende i lë bosh që t’ia shtojë kryeministrit komentues parazita.
Kjo duhet të jetë një shqetësim madhor për opinionin publik, pasi kjo bën që të kemi një situatë ku qeveria parashikon 203 punonjës, por miraton vetëm 101.
Më e pakta dhe minimumi do ishte që të kishte atë numër të propozuar.
