Nënkryetari i partisë Lëvizja Socialiste për Integrim, Luan Rama, në fjalën e tij të mbajtur në seancën parlamentare të ditës së sotme ka sjellë sërish në vëmendje listën me 127 anëtarë të paralajmërur kohë më parë nga vetë kryeministri.
Rama përmendi se kishte dëgjuar prej kryeministrit se zotëronte një listë me emra me 127 emra trafikuesish të lëndëve narkotike, përfaqësues të PS, dhe 12 drejtues policie të shapllur në kërkim, por deri më sot ende nuk kanë dalë para drejtësisë.
Fjala e plotë:
“Sot do të flitet për pastërtinë e policisë së shtetit ku shkaktari kryesor për këtë situatë është ky parlament. Dua të veçoj policinë e shtetit që zbatojnë ligjin me korrektesë dhe me sakrificë sepse janë trupa përfaqësuese e shtetit më e sulmuar dhe që ka paguar kostot më të larta me sakrificën e jetëve me punonjësit e saj . Unë nuk flas me etiketime për policinë e shtetit sepse nuk është policia e shtetit bandë kriminale dhe nuk dua të përdor retorikën që përdor kryeministri i cili kur flet për gjyqtaret i quan ata korporata e krimit. Ka drejtues policia që kanë bërë karrjerë në kundërshtim me ligjin. Zoti Ministër ku janë sot 12 drejtues të policisë së qarqeve të shpallur në kërkim. Ata janë përfaqesues të PS. Në shtetin e së drejtës çdo indivit është përgjegjës për punën që ai bën. Ministri dhe Kryeministri e ka konfirmuar se në tavolinën e tyre gjenden 127 emra trafikantesh të lëndëve narkotike. Ku vajti kjo listë sot zoti ministër? Pse asnjë anëtar i asaj liste nuk doli para ligjit asnjëhere deri më sot”
