Mbledhja e këshillit të legjislacionit ku do të diskutohet nisma kushtetuese e PD për vettingun në politikë, do të zhvillohet më 26 shator.
Me urdhër të kryetarit të Kuvendit, Gramoz Ruci, këshilli i legjislacionit dhe komisioni i ligjeve mblidhen për të shqyrtuar nismën kushtetuese të PD për vettingun në politikë, më 26 shator në orën 12:00.
Kreu i PD Lulzim Basha jo më larg se dje kërkoi nga kryeparlamentari Ruci, mbledhjen e Këshillit të Legjislacionit ditën e premte, për të shqyrtuar nismën e opozitës për vetting në politikë.
