Gazetari i kronikës, Sokol Bregu tha se vettingu në polici do të prekë më së shumti policët e vitit tragjik 1997. I ftuar në emisionin “360 Gradë” në Ora News, Bregu deklaroi Kjo që po ndodh nuk është reformë, është spastrim. Gazetari theksoi se vettingu do të largojë disa policë profesionistë me përvojë 25-vjeçare. Një nga hartuesit e këtij vettingu në polici është ministri i Brendshëm, Fatmir Xhafaj. Ndaj gazetari hedh idenë se kjo reformë e ministrit po behët për të spastruar ata policë që ishin në “kundërshtarë të PS-së”, në vitin 1997.
“Vettingu në polici ka disa gabime të vetat. Do të kapë disa policë të vjetër që kanë qenë në detyrë në ’97-n. Ky vetting këto do të gjejë. Edhe në rokadat që ndodhin në radhët e drejtorëve të policisë janë po ata që lëvizin. Vettingu do të largojë disa policë profesionistë 25 vjeçar. Kjo që po ndodh nuk është reformë, është spastrim,” theksoi Bregu.
Gjithashtu gazetari Bregu u shpreh se gjëja më me vlerë në polici është një kompjuter i cili heton ose merret me krimet kibernetike. Bregu tha se ky kompjuter kap një vlerë 1.2 milionë dollarë.
“Unë di që gjëja me vlerë në polici është një kompjuter i cili heton ose merret me krimet kibernetike. Ka një vlerë 1.2 milionë dollarë. Një laptop është ai. Kjo është gjëja më me vlerë në aspektin financiar. Vettingu në polici ka disa gabime të vetat,” deklaroi Bregu.
