Përparim Kulluri, Prokuror i Krimeve të Rënda është shkarkuar nga detyra. Vendimi i është komunikuar sot nga Komisioni i Pavarur i Kualifikimit. Megjithëse Kulluri ka pasur vleresime pozitive nga (ILDKPI) për pasurinë dhe nga KLP-ja për aftësitë profesionale, ai ka hasur në kritika të ashpra nga DSIK dhe OMN.
Kundërshtimet e DSIK dhe ONM lidheshin me veprimtarinë e prokurorit Kulluri. Ai akuzohet se ka kaluar kufirin shqiptaro-grek me një automjet, e cila është në pronësi të një të dënuari për trafik droge në Greqi. Ky person ka inicialet A.B.
Ndërkohë prokurori ka thënë për trupën gjykuese se “Për shitjen e makinës “Volsvagen” ka autorizuar shtetasin D.Gj. Ai ka gjetur klientin dhe negociuar çmim 12 mijë euro. Ai ka mbajtur vlerën 5 mijë euro si kapar makinës tjetër që do të bleja”.
Ai ka sqaruar dhe raportin që ka pasur me personin në fjalë: “Po ashtu Kulluri ka sqaruar edhe raportin e DSIK: “Nuk më është bërë asnjeherë pyetje nëse e njoh A.B. Ne kemi qenë studentë në viin 1990, kemi qënë në të njëjten godinë, në të njëjtin kat. Unë nuk kam pasur më kontakte të mëvonshme me të. Nuk e dija as që tani paska emër tjetër.
Pasi u njoha me aktet, konstatoj se sa i përket gjetjeve të ONM, dua të them që nuk kam dijeni se ai ishte hetuar në Shqipëri. Nuk kam dijeni se ai është hetur në viitn 2014 nga Krimet e Rënda. Unë nuk mund ta dija një fakt të tillë, vetëm nëse do të isha prokuror i çështjes”.
Përparim Kulluri e ka nisur karrierën në drejtësi në vitin 2004. Nga viti 2008 deri në vitin 2013, Kulluri ka ushtruar detyrën e Kryeprokurorirt të Shkodrës. Ish-presidenti i Republikës Bujar Nishani e riktheu Kullurin në Prokurorinë e Krimeve të Rënda në vitin 2013 me dekret të posaçëm
