Teksa PD prezanton në Komisionin e Ligjeve nismën e propozuar për Vettingun ndaj politikanëve, deputeti socialist Ulsi Manja, ka kërkuar të marrin opinion nga Venecia. Sakaq deputeti i PD, Enkelejd Alibeaj, është shprehur se nuk nevojitet ekspertiza artificiale nga Venecia.
Alibeaj e cilësoi artificial propozimin e PS për ta dërguar nismën e opozitës për marrje opinion në Komisionin e Venecias. Ai kërkon të dijë se pse kanë frikë nga Vettingu i politikanëve.
“Pse doni ta shtyni, pse keni frikë nga Vettingu i politikanëve. Pse keni frikë nga barazia e ligjit edhe për deputetët”, ishin disa nga pyetjet e Alibeajt për kolegët socialistë. Nënkryetari i Komisionit të Ligjeve, argumentoi se të gjitha pikat e rregullores për nismën janë përmbushur.
“Përmbajtja është e njohur, publiku e njeh problemin, sepse po e vuajnë çdo ditë kriminalizimin e politikës, standartin e nismës e ka përcaktuar Venecia, kur ka folur për Vettingun e gjyqtarëve dhe prokurorëve.
Venecia e ka shqyrtuar 3 këtë nismë me Vettingun e gjyqtarëve dhe prokurorëve. A keni kurajo morale për ta pranuar secili individualisht. A keni kurajo politike për të pranuar Vettingun tonë njësoj si të bëhet Vettingu për policët, gardistët, prokurorët, gjykatësit”, tha Alibeaj gjatë mbledhjes së Komisionit të Ligjeve dhe Këshillit të Legjislacionit.
Duke nxjerrë në pah se nisma eshtë identike me atë që ka pranuar Venecia për drejtësinë, Alibeaj tha se nevoja për miratimin e nismës është emergjencë kombëtare dhe duhet miratuar brenda pak ditësh.
https://tiranatoday.com/opozita-thyen-bojkotin-per-vettingun-ne-politike-publikojne-listen-e-zeze-te-politikaneve/
