Një status mbi Vettingun të postuar nga Rama ka ngacmuar sërish qytetarët, të cilët kanë shpërthyer në komente. Me anë të një videoje të cilën e ka ndarë me të gjithë ndjekësit, ai bënte me dije se Ministria e Drejtësisë i kërkon KLD të nisë me urgjencë inspektimin për gjyqtaren Herila Çela dhe paralajmëron ndëshkimin e gjyqtarëve dhe prokurorëve, që s’kualifikohen nga Vettingu. Po kështu, sipas tij, Vettingu po zbulon në sytë e shqiptarëve pasuri të paimagjinueshme dhe shkelje ligjore të panumërta nga ana e gjyqtarëve e prokurorëve.
Kaq ka mjaftuar që të shpërthenin një lum akuzash, e qytetarët të rebeluar ti drejtoheshin Ramës, se politikanët duhet të jenë të parët e më pas gjyqtarët e prokurorët.
Sipas qytetarëve, të cilët janë aktivë në rrjetin social, kanceri në drejtesi i ka rrënjët e thella dhe se pas drejtësisë, po presim edhe Vettingun e politikës.
