Kryetari i grupit parlamentar në Lëvizjen Socialiste për Integrim, Petrit Vasili, teksa ka ironizuar Ramën, e ka cilësuar edhe si një njeri të sinqertë për reformën në Vetting. Ai u shpreh qartë se Rama është kundër qëllimit dhe mjetit të kësaj platforme. Vasili tha se qeveria ka turpet e saj dhe se meraku i tyre është në mos verifikohen lidhjet me krimin.
“Platforma është konkrete. Por njeriu më i sinqertë për reformën në Vetting ka qenë Edi Rama, që tha jam kundër qëllimit dhe mjetit të kësaj reforme. Ishte shumë i sinqertë: Unë Vetting për gjyqtarë dhe prokurorë votoj, por për veten time nuk votoj.
Kanë merakun sesi do të verifikohen lidhjet me krimin, por siç u verifikua për gjyqtarët, kështu do të japë rezulatet dhe në politikë. Ai ishte Edi Rama që kundërshtonte dekriminalizimin!?
Ka një problem sot për shembull, ka një bandit në prokurorinë shqiptare. E cila ka të bëjë me deklarimin e tij për ekspertizën e audiopërgjimit të Agron Xhafajt. Ndërkohë prokuroria nuk e ka bërë akoma.
Xhafaj deklaroi dje në një studio televizive se unë e largova vëllain se do të shkonte në burg me ato akuza, dhe ministri dhe kryeministri thonë kemi fakte. Dhe nuk kanë asgjë se ato nuk janë prokuroria. Ato thonë unë e kam bërë ekspertizën. Ekspertizën mund ta bëj vetëm prokuroria. Sa të dali Vettingu, jo vetëm ikin nga politika, por procedohen dhe penalisht. Këto janë turpe të papara. Që të fshehësh krimin”, tha ai në studion e “Fax News”.
