Lëvizja Vetëvendosja nuk ka ndërmend që të dorëzohet, ndërsa ka nisur mbledhjen e firmave për mbajtjen e zgjedhjeve të reja. Sikundër kishin paralajmëruar, tashmë ka nisur peticioni i partisë së Albin Kurtit, Vetëvendosjes, në sheshin “Nënë Tereza”, me kërkesën e vetme, për mbajtjen e zgjedhjeve të reja. Peticioni i Lëvizjes Vetëvendosje do të mund të nënshkruhet në të gjitha sheshet kryesore të komunave të Kosovës.
Qeveria në detyrë e Kosovës, nuk pranon vendimin e Gjykatës Kushtetuese, që i dha të drejtë presidentit Hashim Thaçi për të mandatuar për krijimin e ekzekutivit të ri Avdullah Hotin e LDK-së. Për qeverinë Kurti, vendimi në fjalë është “absurd”.
Gjykata Kushtetuese konstatoi në 28 maj, se presidenti i Kosovës nuk ka kryer shkelje, por zyrtarë qeveritarë, deklaruan përmes një deklarate për shtyp se kjo gjykatë, “ka paraqitur në mënyrë të shtrembëruar përgjigjet e fituesit të zgjedhjeve”.
