“Gjergji nuk vuante nga depresioni dhe nuk kishte probleme ekonomike. Jemi të shokuar”, kështu janë shprehur familjarët e 39-vjeçarit që i vuri flakën vetes në makinë.
Ky i fundit gjeti vdekjen mbrëmjen e së premtes në lagjen nr.1, pranë kampit të punëtorëve, pasi makina e tij ka marrë flakë. Sipas policisë, Gj.B. i ka hedhur benzinë vetes e më pas i ka vënë flakën.
Familjarët tregojnë se 39-vjeçari jetonte me gjyshen në shtëpi, ndërsa babai dhe e motra jetonin në Amerikë. E ëma i kishte vdekur disa vite më parë.
“Nga veprimet e para hetimore, rezulton se ky shtetas ka marrë një sasi lënde djegëse (benzinë), në një bidon plastik, në një nga karburantet e qytetit dhe dyshohet se i ka vënë flakën vetes brenda mjetit, ku për pasojë janë djegur plotësisht mjeti si edhe ky i fundit”, raportoi policia.
