Eksperienca në Botërorin e Rusisë për Egjiptin mund të cilësohet si ndër më të dështuarat, pasi në dy ndeshje ka marrë dy humbje, duke pësuar 4 gola dhe ka shënuar vetëm një. Ishte Hector Cuper udhëheqësi i egjiptianëve në këtë ëndërr të bërë realitet, por që u shua me dëmtimin e Salah dhe më pas dy goditje nga Uruguai dhe Rusia bënë që federata të marrë një vendim mbi trajnerin.
Hector Cuper në Evropë njihet si një humbës i madh edhe pse ka aftësinë për të nxjerrë më të mirën nga futbollistët. Është një trajner që nuk ka fituar asnjëherë. Të paktë kanë qenë trajnerët që prekin finalet e Kupave të Europës me skuadra të vogla dhe ai e ka bërë me Majorkën, dy herë më Valencian dhe ajo humbje 4-2 me kur drejtonte Interin përballë Lazios, u cilësua si një finale e humbur dhe mori nofkën e një dështimi të madh.
Të njëjtin fat e shpërdoroi edhe në vitin 2003, në gjysmëfinalen me Milanin. Pas kësaj gjithçka ka shkuar keq, kur fillimisht u shkarkua nga Breshia në vitin 2003. Dështimet vijuan te Majorka, Betis, Parma, Racing Satander, si edhe eksperiencat në Turqi dhe Arabi Saudite. Të gjitha kanë përfunduar me dorëheqje ose shkarkim, pa mundur të ngjitet në shkallën më të lartë të futbollit.
Edhe pse bëri mirë te Egjipti, duke arritur kualifikimin në Botëror, pas 28 vjetësh, prapë në faturën e tij është finalja e humbur me Kamerunin në Kupën e Afrikës. Dhe Rusi 2018 përfundoi përpara kohe, me dy humbje në dy ndeshje.
