Për shkak të pandemisë, ish-kryeministri Zoran Zaev mësohet se është vetëizoluar. Lajmi është përcjellë nga mediat në Maqedoninë e Veriut.
Ka qenë fillimisht Ministri i Shëndetësisë të Maqedonisë së Veriut, Venko Filipce, ku në një konferencë për mediat ka zbuluar se dy kryetarët e partive më të mëdha në vend, Zoran Zaev dhe Hristijan Mickovski ndodhen të izoluar. Kjo masë e menjëhershme ka ardhur pasi ata janë intervistuar nga një gazetar, i cili ka qënë i infektuar me koronavirus.
“Pas informacioneve që kemi marrë, se një gazetar në një televizion ka rezultuar pozitiv me koronavirus, i cili ka bërë intervista me Zaev dhe Mickoskin, liderët politikë janë izoluar”, tha Filipce. Ai shtoi se edhe Zaev e Mickovski janë testuar për Covid-19.
Filipce deklaroi se Mickovski ka rezultuar negativ në testin e koronavirusit, ndërsa rezultatet për Zaevin pritet që të dalin së shpejti. “Gazetari është në gjendje stabile shëndetësore dhe ndodhet për shërim në spitalin ‘8 shtatori’”, tha mes tjerash ai.
