Qeveria ka publikuar ndryshimet e reja, në lidhje me vijimin e ciklit universitar nga maturantët. Duke iu referuar vendimit të Këshillit të Ministrave, është vendosur rritja e mesatares për të vazhduar shkollën e lartë 2021-2022 e në vazhdim.
Ministrja Besa Shahini e kishte paralajmëruar këtë ndryshim në një seancë plenare.
Për t’u pranuar në universitete, si në ciklin Bachelor dhe Master, mesatarja shkon nga 6,5 në 7.
Ndërsa për të vazhduar mësuesi, studentëve u duhet ta kenë mesataren 8 e lartë.
Në 18 Korrik, të vitit 2019, shtatë deputetë të Kuvendit të Shqipërisë kërkuan interpelancë urgjente me Ministren e Arsimit, për rritjen e notës mesatare për studimet e larta. Ky vendim i qeverisë sipas deputetëve, penalizon maturantët, ndërsa sipas ministres rrit cilësinë në arsim.
Rritja e notës mesatare për pranimet në universitet nxiti shtatë deputetë të Kuvendit t’i kërkonin shpjegime Ministres së Arsimit, Besa Shahini.
E ndërsa në muajin shkur të këtij viti, Ministrja e Arsimit Besa Shahini njoftoi se për vitin akademik 2020-2021 do të ketë rritje të mesatares nga 7,5 në 8 në programet e mësuesisë për pranimet në universitete.
