Adriatik Llalla ka folur në lidhje me vendimin e Departamentit Amerikan të Shtetit, të cilin e ka shpallur person “Non grata”. Ish-Prokurori i Përgjithshëm Adriatik Llala ka folur për media amerikane, në lidhje me ndalimin që i është bërë atij dhe familjes së tij për të hyrë në SHBA.
Ai është shprehur se: “Jam i sigurt se ky është një vendim i marrë bazuar te keqinformimi i që i ka dhënë për mua ambasadori Lu, Departamentit të Shtetit”-shtoi ai. Llalla ka deklaruar se viza e tij dhe e gruas, u hoqën vitin e kaluar pasi bashkëshortja e tij udhëtoi për në SHBA me një pasaportë diplomatike, pasi kishte probleme shëndetësore.
“Ajo ishte shtatzënë në atë kohë të udhëtimit”, tha ai. Gruaja e tij e lindi fëmijën e tyre teksa ishte në SHBA. Lalla tha më pas se Lu-ja i kishte thënë se zyrtarët nuk mund të përdorin vizat diplomatike për vizita private. LLalla hedh akuza në drejtim të ambasadorit Lu, ndërsa thotë se vendimi është marrë pasi ka keq informuar DASH-in.
