Zëvendëskryeministrja dhe njëherësh ministrja e Energjisë dhe Infrastrukturës, Belinda Balluku, ka lajmëruar masat për institucionet shtetërore. Ajo njoftoi pas mbledhjes së qeverisë se institucionet shtetërore, duhet të konsumojnë 15% të energjisë në krahasim me faturat e një viti më parë.
Tashmë është vendosur se çdo institucion shtetëror duhet të ulë konsumin e energjisë elektrike, në një masë prej 15% të energjisë së konsumuar me faturën e një viti më parë.
Çdo institucion do të mbikqyret nga një administrator, i cili do të ketë synim të ulë konsumin e energjisë elektrike në çdo insitucion, ndërsa titullarët e çdo institucioni do të gjobiten me një masë prej 50 mijë lekësh të reja.
“Do të kërkojmë uljen e konsumit të energjisë elektrike, për sa i përket institucioneve shtetërore. Për këtë arsye përmes këtij projekt-akti, kërkojmë nga 15 % të energjisë së konsumuar krahasuar me faturën e një viti më parë. Kjo energji është ekuivalente me 3.4 miliardë lekë.
Duke nisur nga të gjithë institucionet shtetërore, do emërojmë një administrator energjitik që do ketë si target uljen e konsumit me 15 % për çdo institucion. Masa është deri në 50 mijë lekë gjobë për çdo drejtues institucioni, të cilit harxhon më shumë energji”, u shpreh Balluku.
