Rama vijon me masat për të parandaluar koronavirusin, e po kështu ka lëshuar paksa ‘dorën’ lidhur me kantieret, që do të rifillojnë punën në zonat rurale. Por edhe kjo nën masa të forta.
Ai njofton në vendimin e radhës se do të ndalohen pagesat e qirave nga ana e bizneseve të vogla dhe familjarëve të regjistruar në punë. Këta të fundit kanë ndaluar punën për shkak të vendimit të dhënë nga qeveria, lidhur me pandeminë.
Kryeministri paralajmëron se kush ka humbur punën në të zezë, mund të përfitojë nga kjo masë duke denoncuar punëdhënësin. Po sipas tij, kjo masë vlen edhe për studentët që jetojnë me qira.
Duke paralajmëruar se është gati Akti Normativ për masat e veçanta, kreu i qeverisë ka theksuar se në rast se qiradhënësit do të bëjnë rezistencë, do të gjobiten sa pesëfishi i vlerës së qirasë përkatëse.
Për zbatimin e këtij urdhri është ngarkuar Drejtoria e Përgjithshme e Tatimeve, institucioni i cili do të marrë të gjithë ankesat në çdo rast presioni nga qiradhënësit.
Statusi
? ME AKTIN NORMATIV PËR MASAT E VEÇANTA DO TË NDALOHEN PAGESAT E QERAVE NGA ANA E BIZNESEVE TË VOGLA DHE FAMILJARËVE TË REGJISTRUAR NË PUNË, QË KANË NDALUAR PUNËN PËR SHKAK TË LUFTËS!
KUSH KA HUMBUR PUNËN NË TË ZEZË DHE KA KËTË HALL, MUND TË PËRFITOJË NGA KJO MASË VETËM DUKE DENONCUAR PUNËDHËNËSIN!
KJO MASË MBËSHTETËSE VLEN EDHE PËR STUDENTËT QË JETOJNË ME QERA!
? QERADHËNËSIT DO TË NDALOHEN T’U KËRKOJNË PAGESËN MUJORE KËTYRE SUBJEKTEVE OSE DO TË PENALIZOHEN ME GJOBË SA PESËFISHI I VLERËS SË QERASË PËRKATËSE!
? PËR ÇDO RAST PRESIONI NGA QERADHËNËSIT, SUBJEKTET QERAMARRËS TË DY KATEGORIVE TË MËSIPËRME, TË DREJTOHEN NË FAQEN ONLINE TË DREJTORISË SË PËRGJITHSHME TË TATIMEVE!
*kjo luftë kërkon medoemos që kushdo ka një mundësi më shumë, të solidarizohet me fakte jo me fjalë, për këdo që s’ka asnjë mundësi të mbijetojë pa solidaritet.
