Kuvendi i Shqipërisë ka rihapur garën për anëtar të Gjykatës Kushtetuese. Ditën e sotme janë publikuar emrat e 6 kandidatëve që kanë aplikuar dhe kanë dorëzuar dokumentacionin e nevojshëm për këtë pozicion.
Kandidatët janë: Ardita Buna Alsula, Ded Kasneci, Klodian Rado, Regleta Panajoti, Shaqir Hasanaj dhe Vjosa Bodo Mujo.
Prej tyre do të përzgjidhet vetëm një që do të plotësojë “vakancën e parakohshme”, e krijuar pas shkarkimit nga Vettingu i gjyqtarit Fatos Lulo. Ky i fundit nuk arrit të justifikonte pasurinë.
