Spanja ka shënuar një rënie të lehtë të numrit të viktimave nga koronavirusi, në krahasim me një ditë më parë.
Në 24 orët e fundit, në Spanjë kanë humbur jetën 213 persona, 31 më pak se dje ku u shënuan 244 viktima. Kështu numri total i viktimave të shënuara nga COVID-19 në Spanjë shkon në 26,070.
Pavarësisht se situata është përmirësuar ndjeshëm në krahasim me javët e mëparshme, numri i rasteve të reja që evidentohet brenda ditës vijon të jetë i lartë në Spanjë.
Gjatë 24 orëve të fundit janë regjistruar 3,173 raste të reja, duke e çuar në 256,865 numrin total të rasteve të konfirmuara me koronavirus në Spanjë.
Mbi 163 mijë persona janë shëruar, ndërsa 66,866 raste janë ende aktive në vend. Prej këtyre, 2.075 persona ndodhen në gjendje të rëndë shëndetësore.
Spanja renditet e dyta në botë për numrin më të madh të rasteve të identifikuara dhe e katërta për numrin më të madh të viktimave.
