Kryeministri Rama është vënë menjëherë në lëvizje, pas paralajmërimit të dhënë nga ana e kreut të PD-së Basha, për djegien e mandateve. Burime nga selia rozë bëjnë me dije se Rama në orën 09:00 do të ketë një takim me kreun e Kuvendit, Gramoz Ruçi, dhe më pas do të mbledhë ministrat dhe deputetët. Nuk dihet ende se cili do të jetë qëndrimi i socialistëve, por ka zëra se vendi mund të çohet drejt zgjedhjeve të parakohshme parlamentare.
Kreu i qeverisë Edi Rama, gjatë ditës së djeshme ka qenë në Kosovë, ku gjatë fotove të rastit është parë tejet i shqetësuar, me telefonata të vazhdueshme.
Pas protestës së ditës së shtunë, PD dhe LSI do të organizojnë ditën e enjte një tjetër protestë, kjo para Kuvendit.
