Kryebashkiaku Erion Veliaj ka treguar sot se çfarë do të bëhet me piramidën. I ftuar në emisionin “Koha për t’u zgjuar” në News 24, Veliaj tha se piramida do të kthehet në një qendër të madhe arti, ndërsa në fokus do të ketë artistët e rinj.
Sipas Veliajt, bashkëpunimi me arkitektët holandezë është në proces detajimi, ndërsa godina do u kthehet shumë shpejt qytetarëve.
“Piramida do të kthehet në një qendër e madhe arti, qendër ekspozitash, do fokusohet tek artistët e rinj. Kemi punuar me arkitektë holandezë. Arkitektët janë në një proces detajimi, se do jetë e komplikuar.
Do ta rikonstruktojmë në këtë funksion. Kemi menduar edhe një lloj shkallare, për fëmijët që duan të rrëshkasin, se dashur pa dashur kjo i ka pëlqyer atyre. Do ketë dhe një kullë vrojtimi. Projekti tjetër është kopshti zoologjik, fëmijët do kenë një hapësirë fantastike. Do jetë një xhevahir, do bashkohet me kopshtin botanik me një tunel, që tashmë është hapësirë e vdekur”.
