Kryebashkiku i Tiranës, Erion Veliaj ndjek shembullin e kryeministrit për të bërë ‘show’ më këpucët dhe atletet. Veliaj ishte sot në emisionin “Real Story” të gazetarit Sokol Balla në Vizion Plus.
Që në nisje të emisionit, Veliaj është thumbuar nga gazetari Balla, për baltën tek këpucët.
Veliaj: Sot e kam sefte, të uroj shumë suksese
Balla: Vetëm se këpucët duhet ti kishte pastruar më mirë
Veliaj: U mundova pak aty te grimi, por nuk ikte ajo balta.
Kryetari i bashkisë Veliaj është i ftuar sonte për aksionin e mbjelljes së 100 mije pemëve, Bulevardin e Ri, korsitë e biçikletave dhe projektet për ndryshimin e Tiranës.
Më sa duket Veliaj ka dashure të tregojë së ka ardhur direkt nga puna e mbjeljes së pemëve sepse vetëm aty mund ti bësh këpucët me baltë.
Kundërshtarët politik të Veliajt e akuzojnë atë se kopjon në detaje kryeministrin Edi Rama. Deri tani kryeministri ka pasur shumë vëmendje dhe sukses duke ekspozuar atletet dhe këpucët e tij. Të shohim si do të shkojë kjo lojë e re me kryebashkiakun. Kujtojmë këtu dhe një video me aktorin Bes Kallaku në të cilën thumbohet për këpucët.
