Një ndër personazhet që e admiron kryeministrin Rama, është edhe kryebashkiaku Veliaj. Ai nuk nguron që ti thurë lavde, e në të njëjtën tonë dëshmon se vendi ynë ka ndryshuar falë një pune të bërë mjaft mirë ndër vite.
I ftuar në “Pushime on Top”, Veliaj tha se nuk e ka synim që të drejtojë Partinë Socialiste. Sipas tij, Rama është specialist në këtë fushë. Ai dëshmoi qartazi se është tërësisht i impenjuar me Bashkinë e Tiranës, pasi do të kandidojë për një mandat të dytë.
“Së pari, unë nuk e kam këtë ambicie [të drejtoj PS-në]. Jam komplet i përfshirë nga Tirana. Kemi një kryeministër që po e qan këtë punë. Pa diskutim që Edi Rama do të hyjë në histori si kryeministri më i mirë që Shqipëria ka pasur, që nga shpallja e pavarësisë, nëse shikojmë sa gjurmë ka lënë dhe shikojmë si e ka transformuar jo logjistikën. Kur më pyet dikush se cila është puna më e vështirë, i them: 100 km rrugë s’është vështirë të bëhen, por mendjen si e ndryshon.
Edi do të vlerësohet patjetër për këto Lungomaret dhe infrastrukturën, por mbi të gjitha si ka ndryshuar mentalitetin. Si kemi mësuar të paguajmë taksa, të paguajmë energjinë elektrike, të mos vjedhim ujin, të mos vjedhim hapësirën publike, të mos ndërtojmë pa leje.
Fakti që ka ndryshuar mentalitetin, do t’i japë Edi Ramës një vend shumë të rëndësishëm në histori”, tha Veliaj.
