Kryeministri Rama ka reaguar në lidhje me gjyqin që fitoi Erion Veliaj ndaj Jorida Tabakut. Kryebashkiaku i Tiranës, Erion Veliaj, ka fituar gjyqin ndaj ish-deputetes së Partisë Demokratike, Jorida Tabaku, e cila është dënuar sot nga Gjykata e Rrethit Gjyqësor Tiranë për akuzën e “shpifjes”.
Veliaj e paditi Tabakun për shpifje, lidhur me deklaratat që ish-deputetja demokrate kishte bërë nga selia e PD-së, në lidhje me çështjen e Unazës së Re.
Me anë të një statusi në Twitter, kryeministri Rama shkruan se drejtësia më në fund triumfoi, e ndërsa PD ka në programin e saj moton: “Shpif, shpif se diçka mbetet”.
Statusi
Shpif e gënjen njësoj si shokët, besnikërisht ndaj prioritetit nr.1 të programit të PD: SHPIF SHPIF SE DIÇKA MBETET! Ju informoj se një varg gjyqesh vazhdojnë në adresë të asaj shoqate shpifësish,që në gjykatë s’kanë kurrë prova po veç kërkesa për shtyrje! Bashkëngjitur vendimi:
Shpif e gënjen njësoj si shokët, besnikërisht ndaj prioritetit nr.1 të programit të PD: SHPIF SHPIF SE DIÇKA MBETET! Ju informoj se një varg gjyqesh vazhdojnë në adresë të asaj shoqate shpifësish,që në gjykatë s’kanë kurrë prova po veç kërkesa për shtyrje! Bashkëngjitur vendimi: pic.twitter.com/bSxC5RETNm
— Edi Rama (@ediramaal) June 16, 2020
