Vdes në moshën 123-vjeçare njeriu më i vjetër në botë. Ai vdiq në republikën e Ingushetisë të Rusisë, në Kaukazin e Veriut.
Appaz Iliev, baba i 8 fëmijëve, ka punuar që në moshën 7-vjeçare. Ai luftoi për Ushtrinë e Kuqe në Luftën Civile ruse, 1917-1922. Në moshën 45-vjeçare ai u konsiderua si shumë i vjetër për të marrë pjesë në Luftën e Dytë Botërore, prandaj u bë shofer traktori.
Sa i takon sekretit të jetëgjatësisë, nuk kemi lajme shumë të mira për t’ju dhënë. Kjo pasi, Iliev jetonte në një mjedis shumë të pastër dhe bënte rreth 11 orë gjumë çdo natë. Gjë që sot është thuajse e pamundur të arrihet, për shkak të angazhimeve të një të rrituri.
Appaz u deportua nga Stalini në 1944 së bashku me të tjetër njerëz Ingush për në Kazakistan ku ai jetoi në varfëri.
Ai nuk ka pirë kurrë cigare dhe as alkool si dhe ka qëndruar larg mjekëve dhe larg medikamenteve, ndërsa në moshën 121 vjeçare iu nënshtrua një ndërhyrje kirurgjikale për syrin.
Ai hante vetëm perime të freskëta nga kopshti i tij dhe mish nga fshati i Gulit, në malet ruse Kaukasus.
Ai kishte 35 nipër e mbesa si dhe 34 stërnipër e stërmbesa.
Para se ta largohej nga kjo jetë, mësohet se ai i këshilloi familjarët: Vlerësoni atë që keni dhe ndajeni me të tjerët./ Tirana Today
