Tashmë është zbardhur dëshmia e prindërve të dy foshnjeve binjakë që ndërruan jetë mbrëmjen e djeshme në Berat, në rrethana misterioze. Nëna e dy binjakëve, Merushe Agalliu ka thënë se pasi i ka ushqyer fëmijët me qumësht, i ka vënë në krevat. Pak më vonë pasi ka vërejtur se dy binjakët kishin ftohtë, ka lajmëruar menjëherë ambulancën, por ka qenë e kotë pasi foshnjat kishin ndërruar jetë.
“Mëngjesi i djeshëm ishte si çdo ditë tjetër. Pasi i ushqeva me qumësht kutie, i vendosa në krevat. Shkova në dhomë dhe vura re që fëmijët kishin të ftohtë. Njoftuam ambulancën, por fëmijët kishin vdekur. Fëmijët nuk vuanin nga ndonjë sëmundje”, ka thënë nëna e cila ende është e tronditur.
Ngjarja e rëndë ka ndodhur mëngjesin e djeshëm, kur prindërit kanë nxituar drejt repartit të pediatrisë së qytetit të Beratit, pasi fëmijët nuk kishin shenja jete.
