Vdekja misterioze e azilkërkuesit 23 vjeçar, Florenc Beqiraj, ka shkaktuar zemërim në Shqipëri, duke ngritur shqetësimin për pasigurinë e jetës së shumë emigrantëve.
23-vjeçari Florenc Beqiraj vdiq më 24 dhjetor në një spital në Marsejë, Francë, pasi stafi i spitalit raportohet t’i ketë hequr pajisjet që e mbanin në jetë pa dëshirën e familjes së tij.
Mediat shqiptare thonë se vdekja e Beqiraj ka ardhur si rezultat i dhunës së ushtuar nga policia franceze. Autoritetet franceze thonë se Beqiraj bëri vetëvrasje.
Beqiraj u arrestua më 27 nëntor dhe po përballej me procedurat e dëbimit. Sipas njoftimeve të mediave franceze, Le Provence, data e tij e dëbimit ishte vendosur me 15 dhjetor.
Njëzet e katër orë para këtij afati, ai dërgua në spital raportojnë mediat në Shqipëri, duke shkruar se ai kishte shenja në qafë dhe në duar.
Shqiptarët kërkojnë përgjigje
Familja e Beqiraj është duke kërkuar një autopsi të menjëhershme dhe u ka bërë thirrje autoriteteve franceze të publikojnë të gjitha pamjet e kamerave të sigurisë nga qendra e paraburgimit ku ai po mbahej.
Zemërimi u është drejtuar gjithashtu edhe autoriteteve shqiptare, ku kritikët thonë se nuk kanë treguar interes në mirëqenien e qytetarëve të tyre.
Politikanët shqiptarë kanë thënë se çështja nuk duhet të “politizohet” duke pasur frikë se çdo koment i i “turpshëm” ndaj Francës mund të ketë pasoja për aspiratat e Shqipërisë për t’u bashkuar me BE.
Aktivistët në kryeqytetin në Tiranë, protestuan jashtë ambasadës franceze pas vdekjes së Beqiraj.
23 vjeçari kishte shkuar në Francë duke kërkuar një jetë më të mirë. Ai u arrestua nga policia franceze pa dokumente dhe u dërgua në një kamp ndalimi në pritje të dëbimit.
Thueht se Beqiraj kishte qëndruar në Francë për tre vjet dhe nuk nihej për ndonjë të kaluar penale. Shumë shqiptarë në mediat sociale kanë shprehur gjithashtu zemërim me atë që ata thonë se ka qenë mungesa e transparencës nga autoritetet franceze dhe ata e shohin si një ndjenjë anti-shqiptare në rritje në Francë.
Më parë këtë vit kreu francez i ekstremit të djathtë, Marie Le Pen, përdor retorikën anti-shqiptare për të mbledhur mbështetësit e saj gjatë fushatës së saj për Presidente.
Terma të tilla si “#JusticeForFlorencBeqiraj” dhe “Florenc Beqiraj” janë përdorur mijëra herë në platformat e mediave sociale.
Një grup që e quan veten ‘Shqipëria Anonime’, tha për TRT World se ka lidhje me kolektivin ‘Anonymous’ të hakerëve, ka sulmuar faqen zyrtare të Policisë Kombëtare Franceze në shenjë proteste.
Pas një tendence?
Numri i shqiptarëve që kërkojnë azil në Francë është rritur ndjeshëm gjatë viteve të fundit. Vetëm në vitin 2016, më shumë se 5,700 shqiptarë thuhet se kërkuan azil në Francë.
Franca hapi kampin e saj të parë të emigrantëve që plotësuan standardet ndërkombëtare në vitin 2016, pas thirrjes së tyre ndaj kushteve çnjerëzore në ‘Xhungël’, një kamp i improvizuar në Calais që refugjatët ndërtuan për veten e tyre pas neglizhimit nga autoritetet. Policia franceze më vonë do ta pastronte atë kamp dhe do ta digjte. Një raport i Human Rights Ëatch theksoi se të paktën 600 emigrantë u keqtrajtuan nga policia franceze në kampin e Calais.
Julian Karagueuzian, koordinator për Forumin e Refugjatëve – një organizatë lokale që punon në trajtimin human të emigrantëve në sistemin francez të paraburgimit – ka përshkruar kushtet në kampin që Beqiraj ishte duke u mbajtur si një “tenxhere me presion” dhe që do të shpërthejë për shkak të mbipopullimit dhe mungesës së personelit.
Gjendja e emigrantëve në Francë dhe klima e tanishme politike, mund të sjellë të tjera pasajo të frikshme dhe se rasti i vdekjes së Beqirajt nuk do të jetë tragjedia e fundit që do të mbetet e pashpjegueshme. TIRANA TODAY
