Sipas rezultatit të autopsisë së mjekësisë ligjore, bëhet me dije se shkak i vdekjes së 25-vjeçares, Rexhina Debrova, një orë pas lindjes së fëmijës së saj është ‘Koagulimi’, një lloj mpiksje gjaku, që shkakton trashjen e tij deri në tharjen përfundimtare.
Në raportin zyrtar të autopsisë, vdekja ka ardhur nga mpiksja e gjakut nga i cili i është bllokuar një nga venat kryesore që çon gjakun në mushkëri, duke shkaktuar në këtë mënyrë vdekjen e menjëhershme.
E reja ndërroi jetë ditën e djeshme në maternitetin e Elbasanit, ndërsa familjarët e së ndjerës hodhën akuza në drejtim të mjekëve, pasi sipas tyre, janë treguar të pakujdesshëm.
Mësohet së 25-vjeçarja e ka pasur fëmijën e saj të parë, gjendja e të cilit paraqitet e mirë, pas operacionit ku e ëma e tij humbi jetën.
