Shtyhet sërish gjyqi ndaj grupit të Emiljano Shullazit. Shkak është bërë mosnjoftimi i palës së dëmtuar në veprën penale.
Po ashtu, gjyqi ndaj grupit duhet të nisë nga e para pasi janë ndryshuar gjyqtarët. Blerim Shullazi, një nga anëtarët e grupit ka kërkuar përjashtimin e gjyqtares Saida Dollani. Nga çështja janë larguar Fehmi Petku dhe Sokol Binaj.
Emiljano Shullazi është dënuar me 14 vite burg, ndërsa pjesëtarët e bandës së tij u dënuan në total me 55 vite, por ky vendim u apelua.
Shullazi u shpall fajtor për gjobëvënie ndaj biznesmenit Ylvi Beqja dhe Jani Zako, por shpëtoi nga akuzat për shkatërrim të pronës me eksploziv për dy raste dhe kanosjes së dy profesorëve Mynyr Koni dhe Dhori Kule.
