Një ngjarje e rëndë është regjistruar mëngjesin e sotëm, teka një trup i pajetë është gjetur në buzë të rrugës në Vaun e Dejës.
Mësohet se trupi është gjetur rreth orës 06:00 të mëngjesit në fshatin Shkjezë. Sipas burimeve viktima është shtetasi Gjin Ndoj, ndërsa mësohet se është plagosur në kokë. Pranë trupit është gjetur dhe automjeti i tij.
Vau i Dejës, Shkodër/ informacion paraprak
Më datë 09.08.2020, rreth orës 05:55, në fshatin Shkjezë, Njësia Administrative Bushat, në rrugë, është konstatuar i pajetë, shtetasi Gj. B., 27 vjeç, banues në lagjen “1 Maji”, Shkodër.
Nga veprimet e para hetimore dyshohet se ka humbur jetën si pasojë e përdorimit të armës së zjarrit.
Grupi hetimor nën drejtimin e Prokurorisë vijon punën për sqarimin e rrethanave të ngjarjes.
