Pas kritikave të kryeministrit Rama ndaj Unionit dhe Shoqatës së gjyqtarëve për padinë që kanë ankimuar në Gjykatën Kushtetuese Ligjin për Organet e Qeverisjes së Sistemit të Drejtësisë ka reaguar edhe kreu i LSI-së, Petrit Vasili.
Vasili e ka quajtur procesin e Vettingut si proces jetik për drejtësinë në Shqipëri dhe se asnjë pengesë apo ankesë nuk mund ta ndalë këtë proces pa kthim.
Kërkesa e Unionit dhe Shoqatës së Gjyqtarëve është bërë që më datë 25 maj dhe mësohet se është pranuar nga Gjykata Kushtetuese.
Statusi i Vasilit në Facebook:
Vetingu proces jetik për drejtësinë në Shqipëri. Mbështetje e plotë që vetingu të ecë përpara.
Asnjë pengesë apo ankesë nuk mund ta ndalë këtë proces pa kthim. Konsensusi politik i 21-22 korrikut për vetingun është provë e soliditetit të tij juridik dhe moral.
