Kreu i grupit parlamentar të LSI-së, Petrit Vasili është hedhur sot në një sulm frontal ndaj ambasadorëve Lu-Vlahutin, të cilët i akuzon se po heshtin.
Me anë të një postimi në Facebook, Vasili shkruan se kryeministri Rama asgjësoi ONM-në, e cila ishte garancia e vetme ku shqiptarët besuan pas premtimeve të ambasadorëve Lu dhe Vlahutin, ndërsa u bën thirrje këtyre të fundit që të mos heshtin më, por të veprojnë tani.
Kjo nuk është hera e parë që Lëvizja Socialiste për Integrim sulmon ciftin e ambasadorëve Lu-Vlahutin, për të cilin shpesh ka nënkuptuar se bashkëpunon me Ramën.
Para pak kohësh, ishte deputeti Luan Rama ai që foli për heshtjen e korruptuar të ndërkombëtarëve që kanë bërë sikur nuk kanë parë se si në këtë zgjedhje janë shkelur të gjitha kriteret që kërkon ligji.
Më pas, kreu i grupit parlamentar të LSI-së, Petrit Vasili ironizoi kërkesën për kompromis për zgjidhjen e kryeprokurorit, teksa shkruante në një postim:
“Kompromisi politik që zhbën kushtetutën dhe ligjin nuk mund të jetë pazari i radhës, qoftë ky i bërë në shqip apo në anglisht”.
Më i ashpër akoma u tregua ish-ministri i Drejtësisë, Ylli Manjani, i cili ka nxjerrë një dokument ku tregohet se shoqëria civile ka dështuar të dërgojë kandidaturat e saj për ngritjen e Këshillit të Lartë të Prokurorisë. Manjani ka kujtuar se ishin ambasadorët që kërkuan përfshirjen e shoqërisë civile dhe ka lëshuar mesazhin: ‘Ja dokumenti që tregon se sa e vdekur dhe e mbaruar është reforma që në nisje’.
Postimi i plotë:
Kryeministri asgjeson ONM.Vllahutin dhe Lu edhe tani do te heshtni? ACT NOË.
Ne web-in e delegacionit europian ne Tirane sqarohet si me poshte arsyeja e pranise se Operacionit Nderkombetar te Monitorimit:
Pse ka ardhur ONM-ja në Shqipëri?
Paketa e reformës së drejtësisë e miratuar në vitin 2016 synonte rikthimin e besimit publik te gjyqësori. Si pjesë të reformës, u parashikuan dispozita specifike për rivlerësimin e gjyqtarëve, prokurorëve dhe këshilltarëve /asistentëve ligjorë aktualë (procesi i vetingut) në bazë të integritetit, formimit etik dhe aftësive profesionale. Përfshirja e komunitetit ndërkombëtar në këtë proces parashikohet nga ana kushtetuese – është konsideruar vendimtare për kredibilitetin e procesit nga legjislatori shqiptar.
Pra ne pergjigjen e kesaj pyetjeje sqarohet per te gjithe shqiptaret se ONM-ja ku BE dhe SHBA jane pjese e tij,eshte vendimtare per reformen.
Por kryeministri dhe kamikadzet e tij te verber e hodhen poshte dhe e perbuzen ONM,sepse kantidatet qe ONM skualifikoi ata i i nxoren te paret dhe do ti cojne ne sallen e parlamentit.
ONM ishte garancia e vetme ku shqiptaret besuan pas premtimeve pafund te VLLAHUTIN dhe LU. Nje nga ata qe besoi isha edhe une dhe votova qe reforma te shkonte per votim,ju kujtoj qe ishte vota e 5-te pa te cilen reforma nuk shkonte ne kuvend.
ONM u flak tutje nga kryeministri dhe bashke me te u flak edhe integriteti i reformes.Reforma humbi moralin.
Edhe tani do vazhdojne te heshtin Vllahutin dhe Lu????
Ata ne shume raste kane treguar se dine te reagojne ne cast.Ky eshte casti per te shpetuar reformen e sakatuar dhe ç’integruar.
Mjaft heshtet Vllahutin dhe Lu, Act Now.
