Nënkryetari i LSI, Petrit Vasili akuzon kryeministrin Edi Rama, se po bën biznes me proceset në arbitrazh, ku po grabit paratë e shqiptarëve.
Përmes një postimi në Facebook, Vasili publikoi foto që tregon se në vitin 2017, Rama është informuar nga avokatura se dhjetra milion euro ishin zhdukur dhe se rrezikohet humbja e 2 miliardë eurove të tjera.
Sipas tij, kryeministri nuk firmosi asnjë urdhër për prishjen e kontratave të cilat shkonin në arbitrazh.
Vasili thotë se Ramës i intereson biznesi me arbitrazhin.
Postimi i Vasilit në Facebook
Biznesi i qeverise me Arbitrazhet, si bashkegrabitje e parave te shqiptareve !
Kryeministri jeton dhe gjallon vetem per te genjyer.
Sot Kryeministri tha se:
“Kemi fituar procese në Arbitrazh, por nuk kemi humbur asnjë proces deri në këto momente. “- tha Edi Rama.
Por e verteta qendron krejt ndryshe.
Qe ne 2017 Edi Rama eshte i informuar, me shkrim nga Ministri i Drejtesise, se dhjetra milion euro ishin humbur dhe rrezikonim humbjen e 2 miliard eurove te tjera, sipas informacionit te pergatitur nga vetë Avokatura e Shtetit.
Por Edi Rama nuk levizi as gishtin, nuk beri asnje veprim, nuk organizoi qofte edhe nje mbledhje te vetme, nuk firmosi asnje urdher te vetëm per ndalimin e kesaj baderdie me prishjen e kontratave te cilat shkonin te gjitha ne Arbitrazh.
Eshte shume e qarte tashme se Qeverise i interesonte ky “Biznes i ri i Arbitrazhit”, qe firmat te padisnin shtetin ne arbitrazh dhe pastaj qeveri – biznes te ndanin me njeri tjetrin parate e taksave te shqiptareve.
