Teska edhe pak muaj na ndajnë nga zgjedhjet parlamentare, partitë politike kanë filluar fushatën dhe sulmet ndaj njëra-tjetrës.
Për nënkryetarin e LSI-së Petrit Vasili, opozita del fituese në zgjedhje dhe se merr 100 mandate në zgjedhje.
Sipas tij, kryeministri Edi Rama është një bandit i zgjedhjeve, ndërsa tha se kthimi i ligjit për Kodin Zgjedhor nga Meta ishte në vazhdë të qëndrimeve kohrente të presidentit.
“Nuk ka vendim nga opozita sesi do të dalë në zgjedhje. Opozita fiton me 100 mandate, por ne do bëjmë betejë për standardet. Ne ka vite që bëjmë opozitë parimore, tani kemi mbështetjen e ndërkombëtarëve. Të gjithë ndërkombëtaret tashmë janë të bindur se opozita është kundër një banditi.
Duhet të rishikohet ky ligj, për të zhbllokuar integrimin europian të Shqipërisë. Qëndrimi i presidentit ishte koherent. Për këtë gjë, ka reaguar edhe Europa . Edi Rama është bandit i zgjedhjeve të ndershme dhe të lira, është bandit politik. Rama e ka kthyer shtetin si vend të zuluve. Ai është armik i integrimit europian të vendit’’ tha Vasili në rubrikën ‘Opinion’.
