Ish-kryetari i LSI-së, Petrit Vasili është shprehur se LSI mbështet plotësisht reformën zgjedhore.
Në një deklaratë për mediat, Vasili tha se kërkon mbledhjen sa më parë të komisionit, duke theksuar se vendi ka nevojë për një reformë zgjedhore të vërtetë.
Gjithashtu, ish-kreu i LSI tha se kjo parti ka qenë promotore e reformës zgjedhore, por është kundërshtuar nga PD dhe nga PS.
FJALA E VASILIT:
Vendi ka nevojë për një reformë zgjedhore të vërtetë, e që u jep zgjidhje plagëve të mëdha, si blerja e votës.
Sistemi zgjedhor ka një tjetër plagë, që është mosbarazim e votës, pasi në qarqe të ndryshme vota ka vlera të ndryshme.
Së treti, ka pasur një komision për reformën zgjedhore, i cili u kundërshtua nga PS dhe PD.
Po reformës zgjedhore, po mbledhjes sa më parë të komisionit. Kjo është një provë, koha e tangove PS-PD u ka ardhur fundi. Kemi qenë promotorë të reformës zgjedhore edhe në të shkuarën. Nuk mund të ketë integrim në një vend ku vota është shitur, degraduar. Ndaj institucionet në Shqipëri janë të tronditura, nuk prodhojnë siguri dhe as rritje ekonomike.
Sa më parë të fillojë reforma zgjedhore, do jemi pjesë e saj. Plagëve të mëdha besoj se më në fund do u jepet zgjidhja që meriton.
Këtu është prova e së vërtetës, nëse e kanë seriozisht apo do humbasin edhe 4 vite të tjera./ Tirana Today
